Europako Parlamentuak Oiolako urtegiaren egoera aztertuko du

Oiolako Urtegiaren Deskonexiorako Plataforma (OUD) Bruselan egongo da datorren astelehen eta asteartean, Irabazi Barakaldo eta EH Bilduko zinegotziekin batera, Lindanoz kutsatutako urtegiaren arazoa Europako Parlamentuko Eskaera Batzordean aurkezteko eta behin betiko konponbidea eskatzeko. Kolektiboa, Europako Arartekoaren bulegoko ordezkariekin, Europar Komisioaren Ingurugiro Zuzendariarekin eta EP-an ordezkaritza duten alderdi guztiekin bilduko da.


Oiolako Urtegiaren Deskonexiorako Plataforma (OUD) Bruselan egongo da datorren astelehen eta asteartean, Irabazi Barakaldo eta EH Bilduko zinegotziekin batera, urtegiaren kutsadura arazoa Europako Parlamentuan azaltzeko. Kolektiboak Lindanoz (HCH) kutsatutako urtegiaren egoera aurkeztuko du kamarako Eskaera Batzordean. Esan beharra dago, Batzorde honek jadanik plataformari 6 direktiben betetzeari buruzko dudak aitortu zizkiola (informazio gehiago atxikitutako artxiboan).

Hitzordu honez gain, plataformako partaideak Peter Dyrberg, Europako Arartekoaren bulegoko administratzailearekin (EBB), Daniel Calleja, Europar Komisioaren Ingurugiro Zuzendariarekin eta EP-an ordezkaritza duten Estatu espainoleko alderdi guztiekin bilduko dira. Hain zuzen ere, joan den urriaren 27an Marina Albiol eta Josu Juaristi, GUE-NGL taldeko eurodiputatuak, Oiolako urtegian eta Basatxuko edateko uren araztegian egon ziren arazoaren inguruko informazioa jasotzeko.

Javier Vázquez, plataformako bozeramaileak dioenez, “Bruselako bidaiaren helburua, Bilbao Chemical S.A-k eta Inquinosa y Transportes Bombín-ek urteetan Estatu espainoleko hainbat lekutan, Sabiñanigon (Huesca), Borobian (Soria) eta Barakaldon (Bizkaia), kontrolik gabe isuritako lindanoak eragindako arazoak agerian uztea da”.

Vazquez-en esanetan, “isurketa hauek lurzoruen, zorupeen, akuiferoen, azaleko uren kutsadura eragin dute, ibaiei eta arro-bilketei larriki eraginez”. “Ez gaude kutsadura arazo zehatz baten aurrean, autonomien eta estatuaren instituzioen egitura-arazoa da, ikertzen ez dutena, eta beraiek bakarrik aurre egin ezin izango diotena” salatu du Vazquez-ek.

Oiolako Urtegiaren Deskonexiorako Plataformak gogorarazi du “HCH-Lindanoa (Hexaclorociclohexanoa) kutsatzaile organiko iraunkorra dela, sistema inmunologikoa eta ugalketa sistema kaltetzen duena, eta garapenerako kontrako efektuak dituena.

Horrez gain, lindanoa etengailu endokrinoa izateaz gain, Minbiziaren Azterketarako Nazioarteko Agentziak (IARC) “minbizi-sortzaile posibletzat” jo duela gogorarazi du plataformak. Vazquez-ek ohartarazi du Lindanoa beste elementu kimikoekin batera isurtzen dela, “gai hauekin kontaktuan dauden pertsonak eta ekosistemak arriskuan jarriz” eta gaineratu du “substantzia hauek ez direla toxikoak solik era indibidualean, era kolektiboan euren efektuak indartu daitezke, urteetan ingurugiroan eta pertsonen gorputzetan irauten dute euren degradagarritasuna txikia delako, beraz, etengabeko arriskua suposatzen du”.

Eskaerak
Bisita honen helburua, Europako Parlamentuak inplikatutako erakunde guztien elkarlana bultzatzea da, Espainiako Gobernuak, udalek eta gobernu autonomikoek honako konpromezuak har dezaten:

  1. Arazoa konpontzeko denon artean lan egitea.

  2. Lindano hondakinak isuri diren lekuak kokatu eta karazterizatu.

  3. Kutsatutako zonalde guztien garbiketa osoa bermatu.

  4. Isurketa hauengatik kutsatutako ibai eta zonaldeetatik, kontsumorako ura hartzea debekatzea.

  5. Kutsatzaile hauek populazioarengan izan ditzaketen eragina neurtzea.

  6. Arazoaren errudunei erantzunkizunak eskatzea (penalak, politikoak zein administratiboak).

  7. Aipatutako neurriak hartzeko beharrezkoak diren aurekontu-sailak onartzea.

  8. Informazioa, etengabe eta modu argian ematea, baita egoera honi irtenbidea bilatzeko interesa duten bizilagun-elkarte, gizarte eragile eta talde ekologista guztien partehartzea bermatzea ere.

*Eskaera Batzordeko saioak online jarraitu daitezke honako loturan:
http://goo.gl/lrDja2

  • Twitter
  • Facebook