Garoñako Santa Marian gerta litekeen istripu nuklearraren aurrean egindako simulakroak izan duen parte-hartze arrakastatsua kontuan hartuta, Garoñaren Kontrako Foroak Iberdrolaren jarrera aldaketa modu positiboan baloratzen du. Simulakroaren jarraipena erabatekoa izan da eta guztiz jendetsua.
Hala eta guztiz ere, Foroarentzat Iberdrolak hartutako neurriak ez dira nahikoak eta hori isladatu nahi izan dute bapatean lasterketan modu baketsuan sartu diren hainbat pertsonek. Pertsona hauek Garoñako Santa Mariaren behin betiko itxiera eta eraispena eskatu dute Garoñaren Kontrako Foroaren izenean. Izan ere, benetako istripua gertatzekotan, gizakiongan eta ingurumenean izango lituzkeen ondorioak ikaragarrizkoak izango lirateke. Istripu nuklear baten aurrean, dena ez da izango abiadura eta prestakuntza kontua.
