Jarduera sismiko gehiago Espainia-Frantzia itsaspeko interkonexio elektrikoaren trazaduran


Aktibitate sismikoa zela eta, Castor gas biltegi
ko proiektua bertan behera
utzi zen; ondorioz, 1.350 milioi euroko kalte-ordaina jaso zuen enpresak

 

Badirudi Espainia eta Frantziaren arteko itsaspeko interkonexio elektrikoaren proiektuaren sustatzaileek beste ezusteko bat izan dutela. Megaproiektu honek, Bizkaiko Golkoa itsaspeko kable handi baten bidez zeharkatuz, Espainiako eta Frantziako sistema elektrikoak lotzea helburu duenak, beste kolpe bat jasan du. Zehazki, uztailaren 10ean: 3 sismo atzeman zituzten Frantziako kostaldean, Arcachonen parean. Sismo horiek 2,2 eta 2,5 mbLg arteko intentsitatea izan zuten, eta hipozentroen arteko distantzia batez besteko 5 kilometrokoa izan zen.

Intentsitate txikiko hiru sismo izan ziren arren, egonkortzat kategorizatutako eremu batean gertatu ziren, eta urrian sustatzaileek antzemandako arazoei gehitu behar zaizkie. Zehazki, 2019ko urriaren 18an, INELFEk, Espainiako (REE) eta Frantziako (RTE) sistema elektrikoko operadoreek osatutako partzuergoak, Capbretoneko kanoia zeharkatzea baztertzen zutela iragarri zuen, lotunearen bizitza erabilgarrian trazaduraren egonkortasuna bermatzea ezinezkoa baitzen. Hain denbora laburrean egonkortasun geologikoan arazoak daudela egiaztatzeak kezka eragiten du, kontuan hartzen bada proiektuaren bizitza erabilgarria hainbat hamarkadatakoa izango dela.

Gogoratu behar da EBko Energia Batzordeak Interes Komuneko Proiektu izendatu zuela interkonexio hori, eta horrek, berez, prozesuak bizkortzea dakar, eta, proiektu honen kasu zehatzean, itzuli beharrik gabeko diru-laguntza bat Europako funtsen aldetik: zehazki, 578 milioi euro (m €), aurrekontuan jasotako ia 1.750 milioi euroen ia herena. Laguntza hori, antzeko proiektu bati inoiz eman zaion handiena, izango litzateke hain proiektu konplexua eraikitzea justifikatzen duen arrazoi bakarra, EBk berak bere onarpenean aitortzen zuen bezala. Hala ere, proiektuaren prestaketetatik aurrera agertu diren arrisku guztiak kontuan hartzen baditugu, logikoa dirudi zuhurtzia-printzipioa aplikatzea, kontsumitzaileek proiektuaren kostuak faktura bidez ordaindu beharrik izan ez dezaten, baita gerta litekeen edozein gainkostu ere.

Interkonexio Elektrikorik Ez! Herri plataformatik eta Megaproiektu Energetikoei Erantzuteko Laguntza Saretik, gertaera horien berri eman nahi dugu; batez ere, Castor gas biltegia bezalako porrotera kondenatutako beste proiektu bat saihesteko. Izan ere, haren jarduerak eragindako aktibitate sismikoa zela eta, bere jarduera etetea eta proiektua bertan behera uztea ekarri zuen, bai eta kontsumitzaileek enpresa sustatzaileari 1.350 milioi euroko kalte-ordaina ematea ere.

  • Twitter
  • Facebook