Barakaldoko herri baratz taldeak eta Ekologistak Martxanek uda honetan “La Huertaka” herri baratz kolektiboan zenbait ekintza bandaliko gertatu direla salatu dute, Lutxana auzoan. Beste batzuen artean, hainbat aldiz, barazkiak suntsitu eta lapurtu dituzte eta egurrez egindako eserleku bat desagertu egin da ere azken hilabetean.
Bi urtez lanean eman ondoren, zaborrez beterik eta hutsik zegoen lursaila garbitu eta eraldatuz gune garbi eta erabilgarri bat sortzea lortu dute ‘La Huertaka’ herri baratzean lanean ibili diren taldeak. Ingelesen etxe zaharrak zeuden lursorua, gaur egun, baratz kolektibo bat bihurtu da. Bere kudeaketa guztion esku dago, hau da, gune kolektiboa bihurtu da, non Barakaldoko auzokide guztiek parte har dezaketeN, eta auzokide askok gune publiko bat gehiago bezala ikusten dute. Gainera, ortu hau ere tresna pedagogiko moduan erabili izan da, jendea nekazaritza ekologikora hurbiltzeko.
Guztion errespetua eta zaintza
Hala ere, Barakaldoko Herri Baratz Taldeak (HBT) “La Huertaka”-k azken hilabeteetan hainbat ekimen bandaliko jasan dituela salatu du. Hasteko, uda baino lehen, norbaitek egunero hustu egiten zuen baratzan dagoen ur biltegia. Honek asko zaildu du azken hilabeteetako ureztaketa. Beste aldetik, norbait baratzeko kalabazak, tomateak eta berenjenak hartu, txikitu eta botatzen ibili da leku guztietatik, eta ez bakarrik gune kolektiboko baratzekoak, alboan dauden banakako ortuak ere hondatu egin dituzte. Instalazioak hobetzeko erabili nahi ziren egurrezko “palle” gehienak desagertuz joan dira pixkanaka-pixkanaka; auzokideak erabiltzen zuten egurrezko eserleku bat lapurtua izan da, etab. Azkenik, gogoratu nahi dizuegu “la Huertaka”-n beti uzten dugula zabor poltsa bat eta konposta botatzeko gune bat ere sortu dugula guztiok erabili dezagun. Hala eta guztiz ere, ez da arraroa zaborra lurretik botata ikustea, mesedez, zaborra zakarrontzira bota. Guztion esku dago ingurunea zaintzea.
Barakaldoko Herri Baratz Taldetik dei bat egin dute ekintza bandaliko hauek egin dituztenentzat, ‘mesedez, gune hau auzokide guztien esku dago eta guztien ardura da zaintzea eta garbi mantentzea. Gainera, bota egin den janaria ezin da erabili, inork ezingo du janari hori eskuratu. “La Huertaka” proiektuaren atzetik ikusten ez den lan handia eta ahalegin handia dago, horrexegatik, errespetu pixka bat eskatzen dugu’.
Parte hartzeko deialdia
Arazo hauek izan arren, proiektuan parte hartu nahi duten guztientzat zabalik dagoela gogorarazi nahi izan dute, bai baratz kolektiboan aritzeko, zein martxan jartzen ari diren banakako lursailetan ibiltzeko ere. Taldeak ulertzen du noizean behin jendeak ortutik janaria hartzea eta onartzen da puntuala baldin bada, edo beharra badago, baina gogoratu nahi dugu “biltzeko, lehen erein egin behar dela” eta esku berriak beti ongi etorriak izango direla “la Huertaka” taldea
Taldeak ere email bat eskaintzen du parte hartu nahi dutenentzat, bai banakako lursail batean edo baratz kolektiboan. Edozein zalantzatarako:
Mail: ekobarakahuertos@gmail.com
