Datorren martxoaren 2an, 18:30ean, Barakaldoko Ekologistak Martxanek «Ez eskerrik asko. La ventana de Gladys» dokumentala proiektatuko du Barakaldoko Clara Campoamor Kultur Aretoan. 

Bertha Gaztelumendi zinemagileak zuzendua, Sabino Ormazabalen jatorrizko ideia eta gidoitik abiatuz, filmak omenaldia egiten dio Gladys del Estaliri, Guardia Zibilak tiro baten ondorioz eraila izan zena. Aktibista honek Tuteran zentral nuklear bat eraikitzearen aurkako protesta antinuklear baketsu batean parte hartzen zuen, 23 urte zituela.

Dokumentalak 70eko hamarkadaren amaieran nazioartean eta Euskal Herrian izan zen mugimendu antinuklearraren omentzeko balio du. Izan ere, garai zalapartatsu horretan Lemoiz, Ea-ispaster eta Debako zentralak eraikitzear zeuden, eta Arguedasen laugarren bat, Bardeatik oso gertu. Azken proiektu horren kontra protesta egiteko, mobilizazioak antolatu ziren Tuteran.

Emanaldiaren ondoren, Bertha Gaztelumendi zuzendariak eta Sabino Ormazabal gidoilariak solasaldi ireki batean parte hartuko dute.

Ekitaldia jende guztiarentzat da, eta bereziki gonbidatu nahi dira Ezkerraldean eta Meatzaldean borroka horretan aktiboki parte hartu zuten guztiak, Batzorde Antinuklearren eta Ekologisten bidez. Horrela, topaleku eta memoria bat sortu da. Baita gogoetak eta esperientziak trukatzeko ere.

Proiekziora joateko izena eman behar da hemen.