Dozenaka arrain hilda agertu dira Mañuetan

Arrain pila bat agertu dira hilda joan den ostiralean, irailak 9, Ebro ibaiaren ertzean, uretatik kanpo, Arabako Mañueta herriaren inguruan dagoen aisialdirako gune bateko presa baten ondoan.

“Kasu bitxia da, ez dagoelako isurketa zantzurik”, ziurtatu dute Ekologistak Martxan-etik, eta gertaeren berri eman die Ertzaintzari eta URAri, Sepronaz gain, arrazoiak iker ditzaten.

“Oso gauza arraroa da, eta ez dakigu zer gertatu den, ura zegoelako; Ebro ibaiaz ari gara, hildako arrain asko ziren, eta denak leku berean zeuden”, azaldu du Andres Illana talde ekologistako bozeramaileak, apur bat harrituta.

Arrainen heriotza presarekin, ibaiko ura berotzearekin eta oxigeno faltarekin lotuta egon liteke, baina hipotesi bat baino ez da, Illanak azaldu duenez.

 

  • Twitter
  • Facebook