Calendar

Feb
28
Fri
Hitzaldia (Astrabudua): restauración de ríos y humedales @ Josu Murueta Kultur Etxea (areto urdina)
Feb 28 @ 19:00 – 21:00

Otsailaren 28an, ostiralean, 19:00etan, Astrabuduko Josu Murueta Kultur Etxeko areto urdinean, “restauración de ríos y humedales” hitzaldia eskeiniko da, Arturo Elosegiren eskutik. Arturo Elosegi UPV/EHUko Ekologia katedraduna da eta gaur egun, biodibertsitatean, funtzionamenduan eta ekosistemen kudeaketan unibertsitate-masterra ematen du.

Gure inguruko ibai eta hezeguneak berreskuratzeko egin dezakegula azalduko du, eta horiek oso garrantzitsuak direla klima aldaketa arintzeko eta, horrela, bertako biodibertsitatea berreskuratu ahal izateko.

Hezegunea galtzea biodibertsitatearen galera da.

Biodibertsitatearen galera geldiarazi dezagun, gure ibaiak eta hezeguneak lehengoratu ditzagun.

Anima zaitez.

Gaztelaniaz emango da.

Antolatzailea: Herri Bideak kate Barik Elkartea
Laguntzaileak: Ekologistak martxan Bizkaia, Auzoa Herrikoi Elkartea, Ibilbideak LME
Babeslea: Erandioko Udala

 

Apr
24
Fri
Argiaren eta itzalaren manifestazioa
Apr 24 @ 22:00 – 22:30

Apirilaren 24an klimaren aldeko ekintza global bat gauzatzeko deia egin dute ehunka erakunde

    • Apirilaren 24an, ostiralean, gaueko 22:00etan, soinu eta itzalak balkoietatik proiektatuz burutuko den manifestazioa sustatzen dute elkarteek
  • Osasun krisi honen irteera zuzena eta jasangarria izan behar dela adierazten dute erakundeek baterako agiri batean

Gaur egungo osasun larrialdi eta ondorengo irteera ekonomikoaren testuinguruan, Fridays for Future, 2020 Rebelión por el Clima eta Alianza por el Clima elkarteen babesean, datorren apirilaren 24an klimaren aldeko ekintza global bat gauzatzeko deia egiten dute ehunka erakunde sozialek. Ingurumena eta pertsonak erdigunean jarri ez ezik, justizia soziala eta klimatikoko irizpideak izango duen itzulera ere izatea aldarrikatuko du ekimenak. Horretarako, manifestazio berezi bat sustatzen dute elkarteek: balkoietatik etxeaurreetarantz soinu eta itzalak proiektatzea. Ondoren, argazki eta bideon bidez, sare sozialetan erakutsiko da.

Krisialdi bakoitza krisialdi bat dela eta horrela hartu behar dela uste dute antolatzaileek; horregatik, ez dute pandemiaren aurkako borrokan oztopatu nahi, ezta baliabideak kendu ere. Ondorioz, ‘Global Strike for Climate’ izenpean Fridays for Future taldeak mundu osoan zehar bultzatutako deialdi honek etxeaurreei begiratzen dio, baita sare sozialeei ere, eta hausnarketa egitera zein etorkizuneko ekintzen, zehaztuagoen eta irmoagoen, oinarriak finkatzera deitzen du.

Krisi klimatikoa errealitate gordina da, eta erakunde askok horrela aitortu duten arren, buruzagi askok ez onartzea eta, geldotasun errudun baten bidez, adierazle zientifikoei kasurik ez egitea erabaki dute.

Inoiz ez bezalako larrialdi klimatiko bati aurre egin behar dio gizateriak, eta lehen-lehenik, bizitza babesteko arduraz jokatu behar du. Espeziaren biziraupena arriskuan jartzen duen produkzio eta kontsumo ereduaren ondorio zuzena da berotze globala. Baliabide naturalen mugagabeko ustiapenean oinarrituta, era zuzengabean herri zaurigarri eta behartsuenetan talka egiten du horrek”, azpimarratzen dute antoltzaileek agirian.

Biziraupenaren defentsak gobernuak larrialdi klimatikoaren egoera bere gain hartzera eraman behar ditu, eta, ondorioz, neurri handinahi eta zorrotzak hartzera. Gaur egun larrialdi klimatikoaren aurrean irmo jokatzeak etorkizuneko ingurumen eta gizarte inpakturik okerrenak saihestuko ditu.

Hortaz, gaur egungo geldotasunatik irten ez ezik, jarduera ekonomikoa modu klimatiko eta sozialki zuzen batean eraldatzea ere proposatzen dute elkarteek. Oinarrizko bi printzipio kontuan hartuta, gauzatu beharko liratekeen jarduketak aipatzen dituzte agirian:

  • Ikuspuntu klimatikotik, berotegi-efektuko gasen emisio garbien murrizketa zorrotzari aurre egitea, jarraibide zientifikoekin bat etorriz eta neutraltasuna ahalik eta azkarren lortuz.
  • Ikuspegi sozialetik, pertsona eta kolektibo zaurgarrienei erabateko lehentasuna eman, euren bizi baldintza duinak bermatuz

Agiria #AcciónGlobalPorElClima24A:

https://drive.google.com/file/d/1Dx605r1rhck8ADGDE6GQf-UsYywyXrWi/view

Fridays for Future – Juventud por el Clima
Gazte ekologisten mugimendua. Europan sortu zen eta klase politikoari berotze globala arintzeko premiazko neurriak hartzeko eskatzeko borondatearekin heldu zen gure herrira 2019ko otsailean. Krisi klimatikoari aurre egingo dion trantsizioa lortzeko antolatzen gara.
juventudxclima.es | ig: @juventudxclima

2020 Rebelión por el Clima
Justizia klimatikoa eskatzen duten 30 erakundek baino gehiagok osatzen dute Europako kanpaina hau. Borroka ezberdinen arteko zubiak eraikitzea eta talde eta mugimenduei euren ekintzak modu estrategiko eta koordinatuan areagotzen laguntzea du helburu.
2020rebelionporelclima.net | by2020weriseup.net

Alianza por el Clima
2015eko hasieran sortu zen, Klima Aldaketari buruzko Nazio Batuen Esparru Konbentzioko Aldeen Konferentziaren (COP21ren) aurreko eztabaida eta ekimenak eman zirenean. Konferentzia horrek Parisko Akordioa ekarri zuen. Mugimendu ekologista, sindikala, nekazaritza, garapenerako lankidetza, zientzia eta ikerketa, baita kontsumitzaileak ere ordezkatzen dituzten 400 erakunde baino gehiagok osatzen dute. alianza-clima.blogspot.com

Jun
5
Fri
“Basauriko zuhaitz aipagarriak” erakusketa Pozokoetxeko parke berrian
Jun 5 @ 19:00 – 21:00

Duela urtebete, Sagarrak Ekologista Taldeak “Basauriko zuhaitz esanguratsuak, laguntzen al diguzu bilatzen?” kanpaina abiarazi zuen, gure herriko hiri-zuhaitzei balioa emateko, ematen dizkiguten onura anitzak ezagutzeko eta horiek zaintzeko eta errespetatzeko beharraz kontzientziatzeko. Kanpaina honen barruan, datorren ostiralean, ekainaren 5ean, Pozokoetxeko parke berrian erakusketa bat erakutsiko dizugu, gure udalerriko zuhaitzen ibilbidea eskaintzen duena.

Zuhaitzak funtsezko landareak dira planetaren bizitzan, eta haien garrantzia ez da basoetara edo naturguneetara mugatzen. Hiri-zuhaitzek onura ugari dakarkigute, airearen kalitatea hobetuz, isolatzaile akustiko gisa jardutean zarata murriztuz, edo klima erregulatuz, inguruneko hezetasuna handitzean eta tenperaturak epeltzean. Horretaz guztiaz gain, zuhaitzak animalia-espezie desberdinen bizileku dira, hala nola, hegaztien, intsektuen eta beste landare batzuen bizileku.

Animatu eta hurbildu erakusketa bisitatzera, gure hiri-zuhaitzak hobeto ezagutzera eta gauza berriak erakustera, guztion artean gure bizitzan funtsezkoa den ondare hori gehiago baloratzen eta hobeto kontserbatzen lagun dezagun. Ekainaren 5ean, ostiralean, elkartuko gara, 17: 00etatik 20: 00etara, Pozokoetxeko parke berrian.

Zure zain egongo gara!

Nov
14
Sat
Ibilbide ekologikoa: Bolintxu (Bilbo)
Nov 14 @ 9:30 – 14:30

Ibilbide ekologiko honen bidez Bolintxu ibarraren balore naturalak, Supersur handitzearen ibilbidea eta autobide honek sortutako inpaktu latzak ezagutuko ditugu.

9:30 Hasiera: Plaza Zabalburu

Oinez joango gara Bolintxura arte

14:00 Itzulia: Buia

Eramateko gomendagarria: mendiko botak, bastoiak, janaria eta edaria

Derrigorrezko izen ematea azaroak 13, ostirala, 12:00ak arte. bizkaia@ekologistakmartxan.org helbidera mezu bat bidali “Azaroak 14 ibilbiderako izenematea” adieraziz gaian.

Antolatzaileak: Ekologistak Martxan Bizkaia eta Bizizaleak Kultur Elkartea.

Laguntzailea: Bilboko Udala

Nov
18
Wed
“Mugen amildegian oinez ibiltzea” txostenaren aurkezpena (Bilbo) @ Centro Cívico La Bolsa
Nov 18 @ 19:00 – 20:45

Hizlariak: Iñaki Barcena, Euskal Gune Ekosozialista eta Ekologistak Martxan eta Adrián Almazán, Ecologistas en Acción

Krisi ekologikoari, sozialari eta ekonomikoari aurre egiteko politikak

Txosten honekin, asmoa da debate eta gogoeta kolektiboa bultzatzea eta estrategiak eratzen laguntzea datorren erronka handiari heldu eta sortuko diren aukerak aprobetxatzeko. Nazioarteko askotariko erakundeek eta komunitate zientifikoaren zati batek emandako datuen arabera, gizateriaren historiako une berezi batean gaude: zibilizazio aldaketa handi batean.

Energia baliabideak eta materiala amaitzen ari direla ikusten ari gara, eta bioaniztasuna galtzearekin bat klima aldaketaren lehenengo zantzuak antzematen ari gara. Testuinguru honetan, kapitalismoarenak diren ekoizpen eta kontsumo ohiturekin jarraitzen badugu, sistemaren krisia bizkortu besterik ez dugu egingo. Baina ez bakarrik dago biosfera krisi sakonean, kapitalismo globala bera ere bere mugetara iristen ari da.

Aldatu beharrekoa hain erronka handikoa izanik, ikuspegi sistemiko bat hartu beharra dago arlo ekonomikoaz, politikoaz eta kulturalaz denaz bezainbatean; bide horretan, egitura sozial berri bat eratu behar da, eta Modernitateak arrastaka daramatzan zenbait mito eta erakunde gainditu. Ez da erraza bidea aurkitzea eta ibiltzea, baina, erronkei aurre egiten ez badiegu, gero eta urriagoak diren baliabideen pilaketan oinarrituriko autoritarismo eta faxismo modu berrien gorakada hauspotuko dugu, zeinak dagoeneko goraka baitatoz Atlantikoaren bi alderdietan.

Izena ematea derrigorrezkoa da: labur.eus/MugenAmildegia

Aforo mugatua.

Antolatzaileak: Euskal Gune Ekosozialista, Ekologistak Martxan Bizkaia eta Bizizaleak Kultur Elkartea.

Laguntzailea: Bilboko Udala

Dec
10
Thu
Hitzaldia (Bilbo): “Autoconsumo energético colectivo: al alcance de todos los tejados” @ Ekoetxea
Dec 10 @ 19:00 – 20:45

Hizlaria: Alvaro Campos, UPV/EHUren Irakaslea eta Ikertzailea. Ingeniaritza energetikoa Saila.

Gaur egun, gutxik jartzen dute zalantzan jatorri berriztagarriko iturrietaranzko trantsizio energetikoa abian jartzeko beharra. Hala ere, proiektu eoliko eta fotovoltaiko handiak Estatu osoan zehar milaka hektarea okupatzen ari diren bitartean, herritarrak une historiko honetan parte hartzetik kanpo geratzen ari dira. Horregatik, herritarrek prozesu horretan duten zeregina bultzatu eta indartu behar dugu, erkidegoko energia-proiektuak garatuz.

Hitzaldi honetan, herritarrek benetako trantsizio energetiko justu eta iraunkor batean parte hartzeko dituzten aukerak aztertuko ditugu. Zehazki, ikusiko dugu bizilagunen komunitateek energia jasangarriago batez baliatzeko aukera dutela, estalkietan autokontsumorako instalazioak jarriz.

Presentziala: Derrigorrezkoa da izena ematea: bizkaia@ekologistakmartxan.org
helbidera mezu bat bidali “Abenduak 10 izenematea” adieraziz gaian. Aforo mugatua.
Online (inskripziorik gabe): Youtube Ekologistak Martxan
Antolatzaileak: Ekologistak Martxan Bizkaia eta Bizizaleak Kultur Elkartea.
Laguntzailea: Bilboko Udala

Dec
17
Thu
Hitzaldia (Bilbo): “Undabaso: Datorren basoa / El bosque que viene. Un modelo de restauración ecológica.” @ Ekoetxea
Dec 17 @ 19:00 – 20:45

Hizlaria: Jon Hidalgo, Lurgaia Fundazioa

Lurgaia Fundazioak 200 hektarea lur inguru kudeatzen ditu Urdaibaiko Biosfera Erreserban (Bizkaia).

Eta Ibarruriko (Muxika) Undabaso inguruan dago gure etorkizuneko baso handia, Erreserbako harizti misto handiena eta Bizkaiko handienetako bat izango dena.

2008az geroztik, aldameneko lursailak erosteko lanean ari da, horrela, zatiketarik gabeko eremu bat sortu ahal izateko, lotutako prozesu ekologikoak garatu ahal izateko.

Horrela, biodibertsitatea berreskuratzen da eta espezieei bizitzeko etxe bat ematen zaie.

Ez du ezertarako balio espezie jakin batzuk berreskuratzeko ahaleginak inbertitzeak, aurrera egiteko behar dituzten ekosistemak berreskuratzen ez badira.

Basoa, oso gaztea oraindik, hazten ari da azaleran, – 100 hektareatik gora daude dagoeneko,- eta biodibertsitatean. Lehen urteetan berreskuratutako eremuek itxura naturala eta iheskorra dute, eta landare eta fauna espezieen hazkundea nabarmena da. Datorren basoa da.

Orain lur horiek beste 48 hektarearekin handitzeko aukera dugu, eta hazten jarraitzea espero dugun 153 hektareako baso bat sortzeko.
Ekimen interesgarri hau, biziberritze ekologikorako eredu bat, Jon Hidalgo sustatzaileetako baten eskutik ezagutu ezazu. Basoak hazten jarraitzen du zure laguntzarekin!

Presentziala: derrigorrezkoa da izena ematea: bizkaia@ekologistakmartxan.org helbidera mezu bat bidali “Abenduak 17 izenematea” adieraziz gaian. Aforo mugatua.

Online (Inskripziorik gabe): Youtube Ekologistak Martxan

Antolatzaileak: Ekologistak Martxan Bizkaia eta Bizizaleak Kultur Elkartea.

Laguntzaileak: Lurgaia eta Bilboko Udala

May
6
Thu
Hitzaldia (Basauri): Iraganeko gure arbolen aztarnak Basaurin. Hiri-Arbolaren I. Astea @ Pozokoetxe Kultur etxea
May 6 @ 18:00 – 19:30

Toponimiak aukera ematen digu gure inguruko tokien izen bereziak sortu ziren garaiko ezaugarriak ezagutzeko, eta agerian jartzen du gizakiaren eta hura bizi den ingurunearen artean dagoen lotura. Landaredia ingurune horretako funtsezko parte bat da, eta, hartara, zuhaitzekin eta beste landare batzuekin zerikusia duen toponimiak garaian garaiko paisaia eta landaretza irudikatzen ditu, eta lurralde bakoitzean bizi zirenentzako zeukaten garrantziaren adierazle da.

«Basauriko arbola esanguratsuak – #basaurikoarbolak» kanpainaren testuinguruan, Ander Ros Onomastika Elkarteko kideak Basaurin eta inguruetan dauden mota horretako toponimoen zenbait adibide azalduko dizkigu, eta, horri esker, gaur egungo eta iraganeko gure ingurunea hobeto ezagutuko dugu.

Toki-kopuru mugatua: izena aurretiaz eman behar da, ekologia@sagarrak.org-en edo 94 426 37 69 zenbakian.

IZENA EMATEKO AZKEN EGUNA: MAIATZAK 5. Izen-abizenak eta harremanetarako telefono-zenbakia adierazi beharko dira.

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.

May
7
Fri
Erakusketa (San Migel): «Basauriko arbola esanguratsuak». Hiri-Arbolaren I.Astea
May 7 @ 18:00 – 20:00

Duela bi urte, Sagarrak-Ekologistak Martxan taldekook «Basauriko arbola esanguratsuak – #basaurikoarbolak» kanpaina abiarazi genuen, gure herriko hiri-arbolen balioa azpimarratzeko, dakarkiguten onura mordoa ezagutzeko eta berauek zaindu eta errespetatzeko beharraz kontzientziatzeko. Izan ere, zuhaitzak ezinbestekoak dira planetaren bizitzan. Zehazkiago, hiri-arbolek onura ugari ekartzen dizkigute: besteak beste, airearen kalitatea hobetzen dute, zaratatik babesten gaituzte eta klima erregulatzen dute, hezetasuna handituz eta tenperaturak epelduz. Horrez gain, arboletan zenbait animalia (hegaztiak eta intsektuak), eta landare bizi dira. Eta, gainera, zuhaitzek lasaitasuna eta ongizatea ematen digute.

Bada, goian aipatutako kanpainaren barruan, erakusketa bat antolatu dugu San Migeleko Pinceles parkean, maiatzaren 7an (datorren ostirala), gure herrian dauden hiri-arbolak ezagutarazteko.

Animatu, eta zatoz ikustera!
Han izango gara!

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.

May
9
Sun
Ibilbide gidatua (San Migel): San Migeleko arbolak ezagutzera! Basauriko Hiri-arbolaren I.astea @ Junto a la Iglesia de San Miguel (Basauri)
May 9 @ 11:00 – 13:00

Zatoz gurekin Basauriko San Migeleko hiri-arbolak ezagutzera!
2019tik, herritarrek «Basauriko arbola esanguratsuak – #basaurikoarbolak» kanpainan parte hartu dute: zenbait arrazoi direla-eta berezi iruditzen zaizkien zuhaitzen argazkiak bidali dizkigute. Beste askoren artean, haritzak, ezkiak, indigaztainondoak, urkiak eta palmondoak bizi dira gure herriko kaleetan; lagun ditugu, gure egunerokoan; beraiekin gozatzen dugu, urtaroetan zehar itxuraldatuz doazenean… Baina ezagutzen ote ditugu? Badakigu bereizten zein den zein? Berauek behatzeko tarterik hartzen dugu? Errespetatu eta babesten ditugu?

Kanpainaren harira jasotako argazki mordotik abiatuta, zenbait arbola ezagutzeko ibilbide gidatua proposatzen dizuegu, San Migel auzoan zehar. Gutxi gorabehera 90 minutu iraungo du, eta, bidean, Eduardo Renovalesen eskutik (Ekologistak Martxaneko hiri-arbolen aditua), San Migeleko zuhaitzen ezaugarriak ezagutuko ditugu, beren kontserbazio-egoera, dakarzkiguten onurak eta bizi dituzten arriskuak.

Animatuko zara? Zatoz!

Toki-kopuru mugatua: izena aurretiaz eman behar da, ekologia@sagarrak.org-en edo 94 426 37 69 zenbakian. IZENA EMATEKO AZKEN EGUNA: MAIATZAK 6. Izen-abizenak eta harremanetarako telefono-zenbakia adierazi beharko dira.

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.