Calendar

Feb
28
Fri
Hitzaldia (Astrabudua): restauración de ríos y humedales @ Josu Murueta Kultur Etxea (areto urdina)
Feb 28 @ 19:00 – 21:00

Otsailaren 28an, ostiralean, 19:00etan, Astrabuduko Josu Murueta Kultur Etxeko areto urdinean, “restauración de ríos y humedales” hitzaldia eskeiniko da, Arturo Elosegiren eskutik. Arturo Elosegi UPV/EHUko Ekologia katedraduna da eta gaur egun, biodibertsitatean, funtzionamenduan eta ekosistemen kudeaketan unibertsitate-masterra ematen du.

Gure inguruko ibai eta hezeguneak berreskuratzeko egin dezakegula azalduko du, eta horiek oso garrantzitsuak direla klima aldaketa arintzeko eta, horrela, bertako biodibertsitatea berreskuratu ahal izateko.

Hezegunea galtzea biodibertsitatearen galera da.

Biodibertsitatearen galera geldiarazi dezagun, gure ibaiak eta hezeguneak lehengoratu ditzagun.

Anima zaitez.

Gaztelaniaz emango da.

Antolatzailea: Herri Bideak kate Barik Elkartea
Laguntzaileak: Ekologistak martxan Bizkaia, Auzoa Herrikoi Elkartea, Ibilbideak LME
Babeslea: Erandioko Udala

 

Mar
14
Sat
Iruña: al-TAV-oz eguna @ Centro comunitario del casco viejo PLAZARA (Iruñea)
Mar 14 @ 10:30 – 21:00

Azken urteotan elkarlanean ibili ondoren, Nafarroako AHTaren aurkako eta trenaren aldeko plataformak eta taldeek bat egin dute AHTrik ez Nafar koordinakundea osatzeko. Koordinakunde honen lehen ekitaldi publikoa Iruñeko tren geltokiaren aurrean Castejon, Tafalla eta Altsasuko tren geltokien leihatilen ixtearen aurkako elkarretaratzea izan zen, urtarrilak 30ko greba orokorraren karietara.

Bigarren ekitaldia AHTaren inguruko hausnarketa eguna izanen da, al-TAV-oz eguna deiturikoa, datorren martxoaren 14ean, Iruñeko Plazara!n ospatuko dena. Ekitaldi honen xedea, koordinakunde honen ezagutarazpenaz gain, AHTaren inguruko hainbat gaiez sakonean eztabaidatzea eta gure aurkakotasunaren arrazoiak sendotzea izanen da. Ongi etorri beraz, jardunaldi honetara. Hona hemen egitaraua:

DATA: 2020ko martxoaren 14

TOKIA: PLAZARA! (Iruñeko Alde zaharreko gune komunitarioa)

EGITARAUA:

Goizez:

10:30-11:00. Jardunaldiaren aurkezpena. NAFARROAKO AHTAREN EGUNGO EGOERA ETA OPOSIZIOA.  Pablo Lorente (Sustrai Fundazioa).

11:00-12:00. 1º saioa. LARRIALDI KLIMATIKOA ETA AHTA. TREN BERDEAREN GEZURRA AZALARAZIZ. Andoni Kortazar (EHUko ekonomia aplikatua saila)

12:00-12:30. Atsedena

12:30-14:00. 2º Saioa. AHTAK HONDORATZEN GAITU. AHTAREN AZTERKETA EKONOMIKOA ESPAINIAR ESTATUAN ETA NAFARROAN. David Hoyos (EHUko Ekonomia aplikatua saila)

14:15. BAZKARIA (Katakrak). Erreserbatu Katakraken edo tavnonavarra@gmail.com helbidean). Muga data: asteartea 10.

Arratsaldez:

16:00-17:00. 3º saioa. INFERNUAN LANEAN. LAN-ESPLOTAZIOA EUSKAL Y-AREN LAN EREMUETAN. (euskeraz). Urko Apaolaza (Argia-ko kazetaria eta Zuloan liburuaren egilea)

17:00-17:30. Atsedena

17:30-19:00. 4º saioa. AHTAREN IRUZURRA ETA TRENAREN HONDAMENDIA. TXANPONAREN BI ALDEAK. Elena Diaz (Ecologistas en acción).

19:00. Azken agurra. AHTAREN AURKAKO KALEJIRA.

AHTRIK EZ! NAFAR KOORDINAKUNDEA

 

Jun
5
Fri
“Basauriko zuhaitz aipagarriak” erakusketa Pozokoetxeko parke berrian
Jun 5 @ 19:00 – 21:00

Duela urtebete, Sagarrak Ekologista Taldeak “Basauriko zuhaitz esanguratsuak, laguntzen al diguzu bilatzen?” kanpaina abiarazi zuen, gure herriko hiri-zuhaitzei balioa emateko, ematen dizkiguten onura anitzak ezagutzeko eta horiek zaintzeko eta errespetatzeko beharraz kontzientziatzeko. Kanpaina honen barruan, datorren ostiralean, ekainaren 5ean, Pozokoetxeko parke berrian erakusketa bat erakutsiko dizugu, gure udalerriko zuhaitzen ibilbidea eskaintzen duena.

Zuhaitzak funtsezko landareak dira planetaren bizitzan, eta haien garrantzia ez da basoetara edo naturguneetara mugatzen. Hiri-zuhaitzek onura ugari dakarkigute, airearen kalitatea hobetuz, isolatzaile akustiko gisa jardutean zarata murriztuz, edo klima erregulatuz, inguruneko hezetasuna handitzean eta tenperaturak epeltzean. Horretaz guztiaz gain, zuhaitzak animalia-espezie desberdinen bizileku dira, hala nola, hegaztien, intsektuen eta beste landare batzuen bizileku.

Animatu eta hurbildu erakusketa bisitatzera, gure hiri-zuhaitzak hobeto ezagutzera eta gauza berriak erakustera, guztion artean gure bizitzan funtsezkoa den ondare hori gehiago baloratzen eta hobeto kontserbatzen lagun dezagun. Ekainaren 5ean, ostiralean, elkartuko gara, 17: 00etatik 20: 00etara, Pozokoetxeko parke berrian.

Zure zain egongo gara!

Jun
19
Fri
Euskal Herriko Eskubide Sozialen Gutunak mobilizazioak
Jun 19 @ 0:00 – 23:45

Etxean geratu naiz. Ekainaren 19an kalera aterako gara

“Luzeak egin zaizkigu egunak. Ikusezina den zerbaitek gure egunerokotasuna goitik behera zeharkatu du eta normalitatea hautsi. Dagoeneko gauzak aldatu dira eta ez gara lehengora bueltatuko. Berdin zaigu, ordea, guk ez dugulako nahi aurreko normalitatea, guk aurrera egin nahi dugulako.

Atzean utzi nahi dugu osasun krisi bati erantzuteko gai ez den jendarte antolaketa. Pertsonak, komunitateak eta planeta babestea lehenetsi behar da, ez merkatua, etekin ekonomikoa eta jabetza pribatua. Langile eta herri sektoreen interesak erdigunean jartzeko unea da. Lehenik bizitza!”

Horrela hasten da Eskubide Sozialen Gutunak ekainaren 19rako deitu dituen mobilizazioak babesteko Euskal Herriko dozenaka lagunek sinatuko duten Manifestua. Konfinamendu eta pandemiaren aurkako aste hauetan, Euskal Herriko Eskubide Sozialen Gutunak aktibo jarraitu du, batez ere ‘Gizarte Aldaketa bultzatzeko dekalogoarekin’ edo ‘Ez dugu ahaztuko’ kanpainarekin. Ezin da errepikatu aurreko krisien ondoren gertatutakoa, eta konfinamenduaren gogorrena igaro ondoren, kalea berreskuratuko dugu.

Zazpi dira aldarrikapen nagusiak:
1. Zerga erreforma, krisia kapitalak ordain dezan
2. Zerbitzu publikoak garatu eta azpikontratak publifikatu
3. Zaintza sistema publiko, unibertsal eta doakoa.
4. Diru Sarrerak Bermatzeko Errentaren zenbatekoa Lanbidearteko Gutxieneko Soldatarekin parekatu eta etxebizitza eskubidea
5. 1.080 eurotako gutxieneko pentsioak.
6. 1.200 eurotako gutxieneko soldata eta gehienez 35 ordutako lan-astea.
7. Pertsona guztien erregularizazioa

Goizez, mobilizazioak egingo dira Hegoaldeko lau hiriburuetan 11:30ean hasita. Bilbon, Udaletxetik hasita, Donostian Alderdi Ederretik, Gasteizen, Foru Plazatik eta Iruñean, Bus geltokitik.

Arratsaldez, 46 hiri eta herritan egingo dira mobilizazioak (jarraian duzue zerrenda osoa):

GIPUZKOA (12)
ANTZUOLA: 19etan Kontzentra Herriko Plazan.
ARRASATE . 19:00 Herriko plazan. Lurrean pankarta handi bat jarriko da eta biribilean eserita, aldarrikapen ezberdinak egingo dira
BERGARA . 18:30 BIZIKLETA MARTXA geldiune ezberdinekin.
DEBA. Hondartzan, Kartaren mezu bat irudikatuko da hondarrarekin eraikia. Bideoz grabatuko da
DONOSTIA. 18:30 Askatasun etorbidean ESPAZIO PUBLIKOAREN OKUPAZIOA: eserialdia. Aldarrikapen ezberdinak egongo dira. Bukaeran burrunba.
EIBAR. 18:30 Unzagan
HERNANI, 19:00 Gudari Plazatik manifestazioa
IRUN 19:30 San Juan Plazatik hasita Irun-Hondarribi martxa. Bidean erakunde, banketxe eta multinazionalak interpelatuz.
MUTRIKU: 18etan Atxukalen kontzentra.
OIARTZUN. 18:30 Herriko plazatik LAU ZUTABE ZARATATSU (feministak, langileak, pentsionistak eta ikasle-gazteak)
ORDIZIA. 18:30 Udaletxe plazan kazerolada.
ORERETA. 19:30 Herriko plazan mobilizazioa
TOLOSA .18:30 Triangelu plazan elkarretaratzea/kazerolada.
ZUMAIA – Giza katea/martxa 19etan Beheko Plazatik.
ZUMARRAGA-URRETXU. 18:30 Areizaga Plazan kazerolada

ARABA (4)
AGURAIN. 17:30 Bizikleta martxa frontoi zaharretik. 19:00etan kontzentrazioa San Juan Plazan.
GASTEIZ. 18:30 Tren Geltokitik MANIFESTAZIOA
AMURRIO. 19:00 Herriko Plazan MANI-KALEJIRA
LAUDIO. 19:00 Lamuza Plazan MANI-KALEJIRA

BIZKAIA (14)
ALGORTA. 19:00 San Nikolas plazan
ARRIGORRIAGA. 20:00 Argala plazan
BASAURI. 18:30 Arizgoiti plazan
BILBO. 19:30 Plaza Eliptikotik MANIFESTAZIOA
DURANGO. 18:30 Ezkurdin
ELORRIO. 19:30 Herriko plazan
ERMUA. 18:30 Herriko Plazan
GALDAKAO,19:00 Iturrondo plazan
IGORRE 19:30 Lasarte plazan
LARRABETZU 19:30 Herriko plazan
MUNGIA 19:30 Udaletxe aurrean
ONDARROA. 19:00 Zubi Berriko errotondan
SESTAO – SANTURTZI MARTXA (ekainaren 20an), 12:00etan Kasko plazatik. (Berez prekarietate eta pobreziaren kontrako martxa da baina birkarakterizatu dute)
ZALLA: 19:30etan kontzentra Udaletxean.

NAFARROA (15)
ALTSASU 19:30 Aita Barandiaran. KONTZENTRAZIOA
ANTSOAIN 17:00 Lapurbide plazan – KONTZENTRAZIOA
DONEZTEBE 12:00 Leitzako errepidean – KONTZENTRAZIOA
ELIZONDO 20:00 Santiago karrika 2 – KONTZENTRAZIOA
ETXARRI 18:00 Plazatik. KOTXE KARABANA
GARES 19:30 Plaza Mena KONTZENTRAZIOA
IRUNBERRI 17:00 Calle Mayor. KALEJIRA
IRUÑEA 17:00 Instituto de Mendilorri/ 17:30 Capuchinos – BIZI MARTXA
19:00 Plaza del Castillo – KONTZENTRAZIOA
IRURTZUN 19:30 Inasa – KONTZENTRAZIOA
LEITZA 19:45 Herriko Plazatik – KALEJIRA
LEKUNBERRI 19:30 Herriko Plaza – KONTZENTRAZIOA
LIZARRA 20:00 Foru Plaza – MANIFESTAZIOA
MENDIGORRIA 19:30 Foru Plaza – KONTZENTRAZIOA
TAFALLA 18:00 Plazeta de las Pulgas – KONTZENTRAZIOA
TUTERA 18:00 Hospital BIZI MARTXA / 19:00 Plaza de los Fueros – KONTZENTRAZIOA

Nov
14
Sat
Ibilbide ekologikoa: Bolintxu (Bilbo)
Nov 14 @ 9:30 – 14:30

Ibilbide ekologiko honen bidez Bolintxu ibarraren balore naturalak, Supersur handitzearen ibilbidea eta autobide honek sortutako inpaktu latzak ezagutuko ditugu.

9:30 Hasiera: Plaza Zabalburu

Oinez joango gara Bolintxura arte

14:00 Itzulia: Buia

Eramateko gomendagarria: mendiko botak, bastoiak, janaria eta edaria

Derrigorrezko izen ematea azaroak 13, ostirala, 12:00ak arte. bizkaia@ekologistakmartxan.org helbidera mezu bat bidali “Azaroak 14 ibilbiderako izenematea” adieraziz gaian.

Antolatzaileak: Ekologistak Martxan Bizkaia eta Bizizaleak Kultur Elkartea.

Laguntzailea: Bilboko Udala

Dec
10
Thu
Hitzaldia (Bilbo): “Autoconsumo energético colectivo: al alcance de todos los tejados” @ Ekoetxea
Dec 10 @ 19:00 – 20:45

Hizlaria: Alvaro Campos, UPV/EHUren Irakaslea eta Ikertzailea. Ingeniaritza energetikoa Saila.

Gaur egun, gutxik jartzen dute zalantzan jatorri berriztagarriko iturrietaranzko trantsizio energetikoa abian jartzeko beharra. Hala ere, proiektu eoliko eta fotovoltaiko handiak Estatu osoan zehar milaka hektarea okupatzen ari diren bitartean, herritarrak une historiko honetan parte hartzetik kanpo geratzen ari dira. Horregatik, herritarrek prozesu horretan duten zeregina bultzatu eta indartu behar dugu, erkidegoko energia-proiektuak garatuz.

Hitzaldi honetan, herritarrek benetako trantsizio energetiko justu eta iraunkor batean parte hartzeko dituzten aukerak aztertuko ditugu. Zehazki, ikusiko dugu bizilagunen komunitateek energia jasangarriago batez baliatzeko aukera dutela, estalkietan autokontsumorako instalazioak jarriz.

Presentziala: Derrigorrezkoa da izena ematea: bizkaia@ekologistakmartxan.org
helbidera mezu bat bidali “Abenduak 10 izenematea” adieraziz gaian. Aforo mugatua.
Online (inskripziorik gabe): Youtube Ekologistak Martxan
Antolatzaileak: Ekologistak Martxan Bizkaia eta Bizizaleak Kultur Elkartea.
Laguntzailea: Bilboko Udala

Dec
17
Thu
Hitzaldia (Bilbo): “Undabaso: Datorren basoa / El bosque que viene. Un modelo de restauración ecológica.” @ Ekoetxea
Dec 17 @ 19:00 – 20:45

Hizlaria: Jon Hidalgo, Lurgaia Fundazioa

Lurgaia Fundazioak 200 hektarea lur inguru kudeatzen ditu Urdaibaiko Biosfera Erreserban (Bizkaia).

Eta Ibarruriko (Muxika) Undabaso inguruan dago gure etorkizuneko baso handia, Erreserbako harizti misto handiena eta Bizkaiko handienetako bat izango dena.

2008az geroztik, aldameneko lursailak erosteko lanean ari da, horrela, zatiketarik gabeko eremu bat sortu ahal izateko, lotutako prozesu ekologikoak garatu ahal izateko.

Horrela, biodibertsitatea berreskuratzen da eta espezieei bizitzeko etxe bat ematen zaie.

Ez du ezertarako balio espezie jakin batzuk berreskuratzeko ahaleginak inbertitzeak, aurrera egiteko behar dituzten ekosistemak berreskuratzen ez badira.

Basoa, oso gaztea oraindik, hazten ari da azaleran, – 100 hektareatik gora daude dagoeneko,- eta biodibertsitatean. Lehen urteetan berreskuratutako eremuek itxura naturala eta iheskorra dute, eta landare eta fauna espezieen hazkundea nabarmena da. Datorren basoa da.

Orain lur horiek beste 48 hektarearekin handitzeko aukera dugu, eta hazten jarraitzea espero dugun 153 hektareako baso bat sortzeko.
Ekimen interesgarri hau, biziberritze ekologikorako eredu bat, Jon Hidalgo sustatzaileetako baten eskutik ezagutu ezazu. Basoak hazten jarraitzen du zure laguntzarekin!

Presentziala: derrigorrezkoa da izena ematea: bizkaia@ekologistakmartxan.org helbidera mezu bat bidali “Abenduak 17 izenematea” adieraziz gaian. Aforo mugatua.

Online (Inskripziorik gabe): Youtube Ekologistak Martxan

Antolatzaileak: Ekologistak Martxan Bizkaia eta Bizizaleak Kultur Elkartea.

Laguntzaileak: Lurgaia eta Bilboko Udala

May
6
Thu
Hitzaldia (Basauri): Iraganeko gure arbolen aztarnak Basaurin. Hiri-Arbolaren I. Astea @ Pozokoetxe Kultur etxea
May 6 @ 18:00 – 19:30

Toponimiak aukera ematen digu gure inguruko tokien izen bereziak sortu ziren garaiko ezaugarriak ezagutzeko, eta agerian jartzen du gizakiaren eta hura bizi den ingurunearen artean dagoen lotura. Landaredia ingurune horretako funtsezko parte bat da, eta, hartara, zuhaitzekin eta beste landare batzuekin zerikusia duen toponimiak garaian garaiko paisaia eta landaretza irudikatzen ditu, eta lurralde bakoitzean bizi zirenentzako zeukaten garrantziaren adierazle da.

«Basauriko arbola esanguratsuak – #basaurikoarbolak» kanpainaren testuinguruan, Ander Ros Onomastika Elkarteko kideak Basaurin eta inguruetan dauden mota horretako toponimoen zenbait adibide azalduko dizkigu, eta, horri esker, gaur egungo eta iraganeko gure ingurunea hobeto ezagutuko dugu.

Toki-kopuru mugatua: izena aurretiaz eman behar da, ekologia@sagarrak.org-en edo 94 426 37 69 zenbakian.

IZENA EMATEKO AZKEN EGUNA: MAIATZAK 5. Izen-abizenak eta harremanetarako telefono-zenbakia adierazi beharko dira.

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.

May
7
Fri
Erakusketa (San Migel): «Basauriko arbola esanguratsuak». Hiri-Arbolaren I.Astea
May 7 @ 18:00 – 20:00

Duela bi urte, Sagarrak-Ekologistak Martxan taldekook «Basauriko arbola esanguratsuak – #basaurikoarbolak» kanpaina abiarazi genuen, gure herriko hiri-arbolen balioa azpimarratzeko, dakarkiguten onura mordoa ezagutzeko eta berauek zaindu eta errespetatzeko beharraz kontzientziatzeko. Izan ere, zuhaitzak ezinbestekoak dira planetaren bizitzan. Zehazkiago, hiri-arbolek onura ugari ekartzen dizkigute: besteak beste, airearen kalitatea hobetzen dute, zaratatik babesten gaituzte eta klima erregulatzen dute, hezetasuna handituz eta tenperaturak epelduz. Horrez gain, arboletan zenbait animalia (hegaztiak eta intsektuak), eta landare bizi dira. Eta, gainera, zuhaitzek lasaitasuna eta ongizatea ematen digute.

Bada, goian aipatutako kanpainaren barruan, erakusketa bat antolatu dugu San Migeleko Pinceles parkean, maiatzaren 7an (datorren ostirala), gure herrian dauden hiri-arbolak ezagutarazteko.

Animatu, eta zatoz ikustera!
Han izango gara!

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.

May
9
Sun
Ibilbide gidatua (San Migel): San Migeleko arbolak ezagutzera! Basauriko Hiri-arbolaren I.astea @ Junto a la Iglesia de San Miguel (Basauri)
May 9 @ 11:00 – 13:00

Zatoz gurekin Basauriko San Migeleko hiri-arbolak ezagutzera!
2019tik, herritarrek «Basauriko arbola esanguratsuak – #basaurikoarbolak» kanpainan parte hartu dute: zenbait arrazoi direla-eta berezi iruditzen zaizkien zuhaitzen argazkiak bidali dizkigute. Beste askoren artean, haritzak, ezkiak, indigaztainondoak, urkiak eta palmondoak bizi dira gure herriko kaleetan; lagun ditugu, gure egunerokoan; beraiekin gozatzen dugu, urtaroetan zehar itxuraldatuz doazenean… Baina ezagutzen ote ditugu? Badakigu bereizten zein den zein? Berauek behatzeko tarterik hartzen dugu? Errespetatu eta babesten ditugu?

Kanpainaren harira jasotako argazki mordotik abiatuta, zenbait arbola ezagutzeko ibilbide gidatua proposatzen dizuegu, San Migel auzoan zehar. Gutxi gorabehera 90 minutu iraungo du, eta, bidean, Eduardo Renovalesen eskutik (Ekologistak Martxaneko hiri-arbolen aditua), San Migeleko zuhaitzen ezaugarriak ezagutuko ditugu, beren kontserbazio-egoera, dakarzkiguten onurak eta bizi dituzten arriskuak.

Animatuko zara? Zatoz!

Toki-kopuru mugatua: izena aurretiaz eman behar da, ekologia@sagarrak.org-en edo 94 426 37 69 zenbakian. IZENA EMATEKO AZKEN EGUNA: MAIATZAK 6. Izen-abizenak eta harremanetarako telefono-zenbakia adierazi beharko dira.

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.