Calendar

Oct
17
Mon
Dokumental emanaldia: Piztu aldaketa! Trantsizio Energetikoak @ CINES GOLEM (Alhondiga)
Oct 17 @ 19:30

cineinvisible

El documental ‘Enciende el Cambio! Transiciones Energéticas’ producido por Ekologistak Martxan y la UPV-EHU ha sido seleccionado para participar en el apartado de ‘Desarrollo Sostenible’ de la 8ª edición del Festival Internacional Cine Invisible que organiza Kcd Ongd y que se celebraŕa en varias localidades vizcaínas entre los días 13 y 20 de octubre. Podréis disfrutar de la pieza el 17 de octubre a las 19:30h en los Cines Golem de Bilbao en euskera (versión original).

‘Enciende el Cambio! Transiciones Energéticas’ (documental)
Cuando: 17 OCTUBRE, Cines Golem Bilbao, 19:30h.

Oct
9
Wed
II Nazioarteko Konferentzia Energia Trantsizioari eta Demokraziari buruz + Eredu Energetikoaren Kaltetuen Europar Topaketa @ Zubiria Etxea. EHU-UPV Sarriko. Bilbao.
Oct 9 @ 9:00 – Oct 11 @ 20:30

Trantsizio energetikoa bidean dago. Hala ere, badirudi publiko zabalarentzat alderdi bakar batean baino ez dela garatzen ari, alegia, energia-iturri berriztagarrien eta horiei lotutako teknologien alderdian.

Ba al dago eztabaida publikorik trantsizio energetiko horren euskarri den eredu energetikoari buruz? Posible al da trantsizio energetikoa, energiaren kultura berri baterako trantsiziorik ez badago? Posible al da eredu ekosozial berri bat eraikitzea, mugagabeko hazkundean, neoextraktibismoan, kolonialismoan eta patriarkatuan oinarritutako politikak darabiltzan sistema sozioekonomiko kapitalista neoliberal baten baitan? Egon al daiteke bidezko trantsiziorik, baldin herriei haien baliabideak lapurtzen bazaizkie; komunitateak haien lurretatik kanporatzen badira; botere-harreman oligopolikoak ezartzen badira; inpunitatearen arkitektura globalari esker, enpresa transnazionalen jarduna babesten bada; herritarrak eta gorputzak zeharkatzen dituzten inpaktuak, intersekzionalitatea eta ahultasunak kontuan hartu gabe; herritarren erdiak, hots, emakumeak, kontuan hartu gabe; energia-kontsumoa jaitsi gabe eta burujabetza energetikoaren aldeko apusturik egin gabe?

Ugariak dira erronka ingurumen- eta gizarte-erronka handien garai honetan. Egungo krisi klimatiko eta energetikoaren aurrean, premiazkoa da kudeaketa- eta erabakitze-maila guztietan herritarren partaidetza ardatz izango duten alternatibak sortzea. Herritar kontzienteak, posible den beste mundu horren eraikuntzan jardungo dutenak.
Trantsizio Energetikoa eta Demokrazia: Banatu ezineko bi bide konferentzia premiazko deia da, batetik, trantsizio energetikoa zuzendu behar duen justizia sozialaren oinarriak ezartzeko, eta, bestetik, mundu osoan demokrazia energetikoaren bidea urratzen ari diren erreferentziazko ekimenak ezagutzeko.

HELBURUAK

  • Eredu energetikoaren eta nazioarteko egoera politiko eta sozialaren diagnostiko bateratua egitea;
  • Transnazionalekin gatazkan dauden erakunde anitzen esperientziak ezagutzea, bai eta errealitate politiko, sozial eta intenazionala aldatzeko duten ahalmena ere;
  • TRADENER proiektuaren emaitzak ezagutaraztea;
  • Trantsizio energetiko demokratikoa gauzatzeko printzipioak finkatzea (ekosozialismoa, justizia klimatikoa, ekofeminismoa, etab.);
  • Konferentziaren baitan engaiatutako erakunde eta pertsonen ikerketa-sareak eta kanpaina bateratuak indartzea.

Informazio gehiago:

II Nazioarteko Konferentzia Energia Trantsizioari eta Demokraziari buruz + Eredu Energetikoaren Kaltetuen Europar Topaketa

 

Feb
23
Sun
Butroeko Gaztelutik Plentziaraino paseoa, Plentziako Herri Lurren proiektua ezagutzeko
Feb 23 @ 9:15 – 18:00

Plentziako Herri Lurrak Proiektuak Isuskitzako haritz basoaren izaera berreskuratu nahi du, izan ere, baso horrek Erdi Arotik Plentziako herria ontzigintzarako egurrez hornitu du. Hariztia berreskuratu nahi dugu eta herri-lurrei duten balioa eman. Gaurko eukalipto landaketaren lekuan hariztia jarrita, lurraldearen antolaketaren diseinua jendeak egun dituen arduretatik hurbilago egongo da. Gainera, gure arbasoen lanarekiko lotura estuagoa izango da.

Jakin beharrekoak:

  • Lekua eta ordua: 09:25ean  Mungiako Lauaxeta autobus geltokian
  • Bizkaibusa 09:35ean hartu Dobaran geltokiraino joan, gaztelutik 1, 3 km-ra.
  • Plentziako basotik paseoa, 2h 00min inguru
  • Bisitaren amaiera eta itzulera edo bazkaria.
  • Plentzia-Mungia autobusak  13:20h /15:20h / 17:20h.
  • Haurtxoak etortzekotan motxilatxoan ekarri

May
6
Thu
Hitzaldia (Basauri): Iraganeko gure arbolen aztarnak Basaurin. Hiri-Arbolaren I. Astea @ Pozokoetxe Kultur etxea
May 6 @ 18:00 – 19:30

Toponimiak aukera ematen digu gure inguruko tokien izen bereziak sortu ziren garaiko ezaugarriak ezagutzeko, eta agerian jartzen du gizakiaren eta hura bizi den ingurunearen artean dagoen lotura. Landaredia ingurune horretako funtsezko parte bat da, eta, hartara, zuhaitzekin eta beste landare batzuekin zerikusia duen toponimiak garaian garaiko paisaia eta landaretza irudikatzen ditu, eta lurralde bakoitzean bizi zirenentzako zeukaten garrantziaren adierazle da.

«Basauriko arbola esanguratsuak – #basaurikoarbolak» kanpainaren testuinguruan, Ander Ros Onomastika Elkarteko kideak Basaurin eta inguruetan dauden mota horretako toponimoen zenbait adibide azalduko dizkigu, eta, horri esker, gaur egungo eta iraganeko gure ingurunea hobeto ezagutuko dugu.

Toki-kopuru mugatua: izena aurretiaz eman behar da, ekologia@sagarrak.org-en edo 94 426 37 69 zenbakian.

IZENA EMATEKO AZKEN EGUNA: MAIATZAK 5. Izen-abizenak eta harremanetarako telefono-zenbakia adierazi beharko dira.

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.