Calendar

Mar
1
Sun
Herri landaketa (Basauri): Zuhaixkak landatzea Kareaga auzoan @ Inicio camino peatonal al Parque Montefuerte
Mar 1 @ 10:00 – 13:30

Zuhaitz eta zuhaixka autoktono gehiago landatuko ditugu Basauriko Kalero auzoan.

Sagarrak-Ekologistak Martxan eta Ingurumen Boluntariotzaren Sareak, “El Kalero” auzo-elkartearekin lankidetzan (Kareaga Auzo Elkartea), beste esku-hartze bat egingo dugu, Basauriko Kareaga auzoa eta Montefuerte parkea lotzen dituen oinezkoentzako bidean landare autoktonoa (zuhaixka) berritzeko.
Bide horren eskuineko aldean babes hesi bat sortzea da ekimenaren helburua. Baldintza meteorologikoak aldekoak badira, datorren martxoaren 1ean egingo dute esku hartzea.
Jardueran parte hartzeko beharrezkoa den informazioa honako hau da:10:00etan, Basauriko Asturias kalearen amaieran.Metroz bazatoz, Basauri da geltokia, Bidasoa irteera. (5 min oinez).Jardunaldia biharkoa izango da (13:30 inguruan amaituko da).Komeni da urarekin kantinplora eramatea.Arropa erosoa, zikindu daitekeena, eta mendiko edo uretako botak.Gainerako materiala guk jarriko dugu.
Jardunaldi amaieran aperitibo bat egingo dugu indarrak berriz jartzeko.

Eskerrik asko izena emateagatik, jardueraren antolaketa errazteko. Izena eman dezakezue ekologia@sagarrak.org helbidean edo 94 4263769 telefonora deituz, osteguna baino lehen. Datu hauek behar ditugu: bertaratutako guztien izena, abizena eta adina, jatorrizko auzoa edo udalerria eta
harremanetarako mugikorraren zenbakia (ezustekoak sortzen badira, horretarako bakarrik erabiliko da).

Adingabeak: helduei zuzenduta dago jardunaldia. Adingabeak heldu bati lagunduta joan daitezke, betiere haren ardurapean. Batzuetan, baldintzak deserosoak gerta daitezke batzuentzat: lokatza, sasiak, azalpenak eman bitartean entzun egin behar da… Gainerakoan, haurrak ongi etorriak dira!

Oharra: izena ematen baduzu, saiatu hitzordura ez huts egiten edo ez bazatoz, jakinarazi egiten.

Animatu eta parte hartu! Zure zain gaude!
Gure ingurunea berroneratzen laguntzen digu.

2019ko esku-hartzea nolakoa izan zen pentsatu nahi baduzu, begiratu bideo honi!

https://www.youtube.com/watch?v=V3dVqw-zcgU

Jun
5
Fri
“Basauriko zuhaitz aipagarriak” erakusketa Pozokoetxeko parke berrian
Jun 5 @ 19:00 – 21:00

Duela urtebete, Sagarrak Ekologista Taldeak “Basauriko zuhaitz esanguratsuak, laguntzen al diguzu bilatzen?” kanpaina abiarazi zuen, gure herriko hiri-zuhaitzei balioa emateko, ematen dizkiguten onura anitzak ezagutzeko eta horiek zaintzeko eta errespetatzeko beharraz kontzientziatzeko. Kanpaina honen barruan, datorren ostiralean, ekainaren 5ean, Pozokoetxeko parke berrian erakusketa bat erakutsiko dizugu, gure udalerriko zuhaitzen ibilbidea eskaintzen duena.

Zuhaitzak funtsezko landareak dira planetaren bizitzan, eta haien garrantzia ez da basoetara edo naturguneetara mugatzen. Hiri-zuhaitzek onura ugari dakarkigute, airearen kalitatea hobetuz, isolatzaile akustiko gisa jardutean zarata murriztuz, edo klima erregulatuz, inguruneko hezetasuna handitzean eta tenperaturak epeltzean. Horretaz guztiaz gain, zuhaitzak animalia-espezie desberdinen bizileku dira, hala nola, hegaztien, intsektuen eta beste landare batzuen bizileku.

Animatu eta hurbildu erakusketa bisitatzera, gure hiri-zuhaitzak hobeto ezagutzera eta gauza berriak erakustera, guztion artean gure bizitzan funtsezkoa den ondare hori gehiago baloratzen eta hobeto kontserbatzen lagun dezagun. Ekainaren 5ean, ostiralean, elkartuko gara, 17: 00etatik 20: 00etara, Pozokoetxeko parke berrian.

Zure zain egongo gara!

Jun
30
Tue
HItzaldia on line: “Normaltasun berrian” zabortegiak?
Jun 30 @ 19:00 – 21:00
May
6
Thu
Hitzaldia (Basauri): Iraganeko gure arbolen aztarnak Basaurin. Hiri-Arbolaren I. Astea @ Pozokoetxe Kultur etxea
May 6 @ 18:00 – 19:30

Toponimiak aukera ematen digu gure inguruko tokien izen bereziak sortu ziren garaiko ezaugarriak ezagutzeko, eta agerian jartzen du gizakiaren eta hura bizi den ingurunearen artean dagoen lotura. Landaredia ingurune horretako funtsezko parte bat da, eta, hartara, zuhaitzekin eta beste landare batzuekin zerikusia duen toponimiak garaian garaiko paisaia eta landaretza irudikatzen ditu, eta lurralde bakoitzean bizi zirenentzako zeukaten garrantziaren adierazle da.

«Basauriko arbola esanguratsuak – #basaurikoarbolak» kanpainaren testuinguruan, Ander Ros Onomastika Elkarteko kideak Basaurin eta inguruetan dauden mota horretako toponimoen zenbait adibide azalduko dizkigu, eta, horri esker, gaur egungo eta iraganeko gure ingurunea hobeto ezagutuko dugu.

Toki-kopuru mugatua: izena aurretiaz eman behar da, ekologia@sagarrak.org-en edo 94 426 37 69 zenbakian.

IZENA EMATEKO AZKEN EGUNA: MAIATZAK 5. Izen-abizenak eta harremanetarako telefono-zenbakia adierazi beharko dira.

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.

May
7
Fri
Erakusketa (San Migel): «Basauriko arbola esanguratsuak». Hiri-Arbolaren I.Astea
May 7 @ 18:00 – 20:00

Duela bi urte, Sagarrak-Ekologistak Martxan taldekook «Basauriko arbola esanguratsuak – #basaurikoarbolak» kanpaina abiarazi genuen, gure herriko hiri-arbolen balioa azpimarratzeko, dakarkiguten onura mordoa ezagutzeko eta berauek zaindu eta errespetatzeko beharraz kontzientziatzeko. Izan ere, zuhaitzak ezinbestekoak dira planetaren bizitzan. Zehazkiago, hiri-arbolek onura ugari ekartzen dizkigute: besteak beste, airearen kalitatea hobetzen dute, zaratatik babesten gaituzte eta klima erregulatzen dute, hezetasuna handituz eta tenperaturak epelduz. Horrez gain, arboletan zenbait animalia (hegaztiak eta intsektuak), eta landare bizi dira. Eta, gainera, zuhaitzek lasaitasuna eta ongizatea ematen digute.

Bada, goian aipatutako kanpainaren barruan, erakusketa bat antolatu dugu San Migeleko Pinceles parkean, maiatzaren 7an (datorren ostirala), gure herrian dauden hiri-arbolak ezagutarazteko.

Animatu, eta zatoz ikustera!
Han izango gara!

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.

May
9
Sun
Ibilbide gidatua (San Migel): San Migeleko arbolak ezagutzera! Basauriko Hiri-arbolaren I.astea @ Junto a la Iglesia de San Miguel (Basauri)
May 9 @ 11:00 – 13:00

Zatoz gurekin Basauriko San Migeleko hiri-arbolak ezagutzera!
2019tik, herritarrek «Basauriko arbola esanguratsuak – #basaurikoarbolak» kanpainan parte hartu dute: zenbait arrazoi direla-eta berezi iruditzen zaizkien zuhaitzen argazkiak bidali dizkigute. Beste askoren artean, haritzak, ezkiak, indigaztainondoak, urkiak eta palmondoak bizi dira gure herriko kaleetan; lagun ditugu, gure egunerokoan; beraiekin gozatzen dugu, urtaroetan zehar itxuraldatuz doazenean… Baina ezagutzen ote ditugu? Badakigu bereizten zein den zein? Berauek behatzeko tarterik hartzen dugu? Errespetatu eta babesten ditugu?

Kanpainaren harira jasotako argazki mordotik abiatuta, zenbait arbola ezagutzeko ibilbide gidatua proposatzen dizuegu, San Migel auzoan zehar. Gutxi gorabehera 90 minutu iraungo du, eta, bidean, Eduardo Renovalesen eskutik (Ekologistak Martxaneko hiri-arbolen aditua), San Migeleko zuhaitzen ezaugarriak ezagutuko ditugu, beren kontserbazio-egoera, dakarzkiguten onurak eta bizi dituzten arriskuak.

Animatuko zara? Zatoz!

Toki-kopuru mugatua: izena aurretiaz eman behar da, ekologia@sagarrak.org-en edo 94 426 37 69 zenbakian. IZENA EMATEKO AZKEN EGUNA: MAIATZAK 6. Izen-abizenak eta harremanetarako telefono-zenbakia adierazi beharko dira.

Osasun-arduradunek COVID-19tik babesteko ezarritako segurtasun- eta higiene-neurriak errespetatu beharko dira: maskara egokiro jantzi (sudurra eta ahoa estalita), eta pertsonen artean 1,5 m-ko distantzia gorde, gutxienez.

Jun
27
Sun
Ibilbide gidatua Nerbioi ibai-ertzetik, landare inbaditzaileak antzemateko
Jun 27 @ 11:00 – 13:00

Ibilbide gidatua Nerbioi ibaiertzetik, bertako landareen eta inbaditzaileen egoera ezagutzeko, Ekologistak Martxaneko Eduardo Renovales natur-gidariaren eskutik.

Joan den urtean, ibilbidea egin genuen Nerbioi ibaiertzean zehar, Basaurin, ekosistema horren ezaugarriak ezagutzeko. Ikasi genuen ibaiertzeko basoa hauskorra dela eta gizakiaren eragin handia pairatu duela, baina, hala ere, nahiko ondo kontserbatutako bazterrak badaudela (ibaiertzeko baso tipikoa osatzen duten arbolak eta zuhaixkak, flora eta fauna).

Orain, ibai bereko ertzean zeharreko ibilbidea egingo dugu berriro ere, eta, joan den urtean ikasitakoa berrikusteaz gain, arreta jarriko diegu, bereziki, espezie inbaditzaileen gorakadak eragindako arazoei —batez ere, landare inbaditzaileek sortutakoei—.Jakingo dugu espezie inbaditzaileak zergatik etorri diren, zergatik ugaltzen ari diren, zein kalte eragiten dieten ingurune horretako berezko bertako espezieei, eta zer egin dezakegun gehiago hedatu ez daitezen.

Gehien zabaldu diren eta hoberen ezagutzen ditugun landare inbaditzaileei erreparatuko diegu —adibidez: Fallopia japonica, Robinia pseudoacacia edo Cortaderia selloana (hain ikusgarria eta, itxuraz, hain kaltegabea den, eta Panpako lezka izenez ezagutzen dugun hori)—. Espezie inbaditzaile horiek eta beste batzuk badaude gure ibaiertzean, eta hedatze betean ari dira (asko, inguratzen gaituzten mendietan zehar ere bai).

Ordutegia: 11:00-13:00. Abiatzeko tokia: Helduen hezkuntza ikastetxea, Basauri (EPA). Toki kopurua mugatua denez, parte hartu nahi izanez gero, izena eman beharko duzu. Izena emateko azken eguna: ekainak 24. Izena ematea: ekologia@sagarrak.org. Tel.: 94 4263769

Anima zaitez eta parte hartu!

Jul
28
Wed
AHTaren aurkako bizikleta martxa, Iruñea – Atxondo
Jul 28 @ 9:30 – Jul 30 @ 18:30

Oraindik AHTaren munstroa gelditzeko garaiz gaudelako, uda honetan, bizikletaz joango gara Nafarroatik Atxondon (Bizkaia) uztailaren 30ean, 31n eta abuztuaren 1ean egingo den AHTren aurkako kanpaldira. Bizikleta martxa Iruñetik abiatuko da uztailaren 28an, asteazkenean, eta kanpaldiaren hasierara uztailaren 30ean iritsiko da. Bizikleta martxarekin hainbat lekutan bat egingo duten zutabeak osatzera animatzen zaituztegu

AHT dagoeneko eraikita dagoen azpiegitura dela eta atzera egiterik ez dagoela inposatzen ari zaigun ideia da. Errealitatetik oso urrun, ordea. AIREF (Erantzukizun Fiskaleko Agintaritza Independentea) erakundeak emandako datuen arabera, EAEn 15 urteko lanen ostean, inbertsio osoaren % 58 falta da oraindik. Nafarroaren kasua are nabarmenagoa da, 10 urteko lanen ondoren inbertsioaren % 96 falta baita oraindik.

Historiako krisi ekologiko eta ekonomiko handienaren erdian, AHT Euskal Herriaren etorkizunerako azpiegitura estrategikoa eta funtsezkoa dela sinetsarazi nahi digute. Obrekin jarraitzeko urteko aurrekontu neurrigabeez gain, orain, Maria Chivite Nafarroako Gobernuko presidenteak esan duenez, Covid osteko berreskurapenerako Europako funtsen zati handi bat azpiegitura hori finantzatzeko erabili nahi dute. Hau onartuko dugu? Funts publiko horiek, beste behin ere, enpresa pribatuak finantzatuko dituzte kapitalismo berdea sendotzeko aurrekaririk ez duen operazio batean, eta aldi berean gizarte-gaietan egindako murrizketak eta biztanleriaren sektore handien pobretzea gero eta jasangaitzagoak izango dira.

Ezin diegu utzi inbertsio publiko gehiago xahutzen hondorik gabeko putzu honetan, iristen ari den kolapsoa are gehiago bizkortuko baitu.

Oraindik AHTaren munstroa gelditzeko garaiz gaudelako, uda honetan, bizikletaz joango gara Nafarroatik Atxondon (Bizkaia) uztailaren 30ean, 31n eta abuztuaren 1ean egingo den AHTren aurkako kanpaldira. Bizikleta martxa Iruñetik abiatuko da uztailaren 28an, asteazkenean, eta kanpaldiaren hasierara uztailaren 30ean iritsiko da. Bizikleta martxarekin hainbat lekutan bat egingo duten zutabeak osatzera animatzen zaituztegu.

Bizikleta martxan eta kanpaldian parte hartzeko deia egiten dugu. Denok Atxondoko kanpaldira! Ongi etorri!

EGITARAUA

Uztailak 28, asteazkena: IRUÑEA-IRURTZUN-ETXARRI ARANATZ

9:30. Iruñeko Diputazioaren aurrean: partehartzaileen etorrera eta materialen prestaketa.
10:00. Martxaren hasiera ekitaldia eta irteera. Txantrea, Antsoain, Errotxapea zeharkatu.
11:00. Iruñeko Sanduzelaiko tren geltokia. Ez dezatela geltokia Etxabakoitzera eraman!. Auzo elkartearen azalpena.
12:00. Ororbia. Hamaiketakoa.
13:00. Anotz. Bainua.
14:00. Irurtzun. Bazkaldu ondoren antolakuntza- batzarra.
17:00. Irurtzundik abiatzen gara.
18:00. Uharte Arakil.
19:00. Etxarri Aranatz. Afaldu ondoren sorpresa.
Uztailak 29, osteguna: ETXARRI ARANATZ-DURRUMA-ETURA
9:30. Irteera Etxarri Aranaztik.
10:30. Altsasu.
11:30. Ziordia. Hamaiketakoa. Amarauna gune autogestionatuaren aurkezpena.
14:00. Durruma. Bazkaria.
16:30. Durrumatik abiatu.
17:30. Agurain.
20:00. Etura (Barrundia). Afaldu ondoren, partehartzaile eta borroken aurkezpen- batzarra.
Uztailak 30, ostirala: ETURA-KANPAZAR-ATXONDO
9:30. Irteera Eturatik.
11:30. Leintz-Gatzaga. Hamaiketakoa.
12:15. Eskoriatza.
12:30. Aretxabaleta
12:45. Arrasate.
14:30. Kanpazar gaina. Bazkaria.
17:30. Kanpazarren Txirrindula martxarekin bat egiteko deialdia: denok batera Atxondoko akanpadara! Kanpazarretik abiatzen gara.
17:45. Elorrio.
18:30. Atxondo. Akanpadara iritsi gara! Bizikleta Martxari ongi-etorria. Monolitoaren inaugurazioa.
OHARRAK
IZEN EMATE ETA HARREMANETARAKO
Izen emateko muga epea: uztailaren 25, igandea.
Tel: 675613651
ahtrikeznafarroa@gmail.com
ERAMATEKO MATERIALA
Lo zakua, esterilla, eta aldatzeko arropa bizkar-zorro handi batean sartu behar dira (hori dena
laguntza-kamioian eraman eta etaparen bukaeran itzuliko da). Bestalde, egunean zehar
beharrezkoa duguna soinean edo txirrindulan eraman behar da. Ordezko kamara bat, partxeak
eta puzgailua eramatea ongi dago. Kaskoa nahitaezkoa da.
Akanpadan geldituko den jendeak oihal-etxea eraman beharko du.
ERRATZA- IBILGAILUA
Matxura kasuetan, furgoneta baten laguntza izango da.
OTORDUAK
– 30 €: 3 eguneko txartela: Bizikleta martxa osoko gosariak, hamaiketakoak, bazkariak eta afariak.
– 12 €: egun bateko txartela
– 7 €: otordu bat
Prezio hauetan ez da sartzen ostiraleko afaria ezta akanpadako gainerako otorduak ere.
BIZIKLETAK IRUÑERA BUELTATZEKO
Igande arratsaldean (abuztuak1) bizikletak kamioiez Iruñera itzuliko dira. Partehartzaileak
antolakuntzaren ibilgailuetan bueltatuko dira.
BIZIKLETA MARTXAREN INGURUKO ARGIBIDE GEHIAGO
twiter: @ahtgelditu
face-book: AHT Gelditu Nafarroa
ATXONDOKO AKANPADAREN INFORMAZIOA
face-book: AhtrikEzAkanpada
instagram: ahtrikezakanpada