Calendar

Oct
28
Thu
Hitzaldia (Bilbao): Lynn Margulis zientzialari ederra @ Ekoetxea
Oct 28 @ 19:00 – 21:00

Hizlaria: Itxaso Apraiz eta Josemanu Gutiérrez (Gune Ekosozialista)

Hitzaldi hau Lynn Margulisen omenezko zikloaren barruan dago, “Zientzia eta ekologismoaren arteko sinbiosia”, urriaren 18tik 28ra Iruñean, Gasteizen, Andoainen eta Bilbon ospatuko dana.

2021. urte honetan 10 urte bete dira XX. mendeko ikertzaile garrantzitsuenetako bat, Lynn Margulis, hil zela. Bere lanaren garrantzi zientifiko eta politikoa ondo ezagutzen dutenen eskutik ( fisikariak, mikrobiologoak,filosofoak, ekofeministak…) lankidetzaren eta sinbiosiaren ideian sakondu nahi dugu hitzaldi-ziklo honekin.

Bere ibilbide ikertzaile osoan zehar, ikerketa gehienak lehiaketek eboluzio-prozesuetan duten zereginari erreparatzen zioten bitartean, berak erakutsi zuen lankidetza indar boteretsua dela, gutxienez, bizitzaren agerpenean eta garapenean. Lynn Margulisek esan ohi zuen: «Bizitza batasun sinbiotiko eta kooperatibo bat da, elkartzen direnei arrakasta lortzen uzten diena». Bere ideiak ezagutu eta eztabaidatzera gonbitatzen zaituztegu. Aukera ezin aproposagoa iruditzen zaigu krisi ekosozialari irtenbideak bilatzeko premian gauden egoera honetan. Ongi etorriak!

ZIkloaren antolatzaileak: Zapateneo, UPV-EHU, Ekopol, Ekologistak Martxan, Katakrak, Euskal Gune Ekosozialista, Martin Ugalde Kultur Parkea eta Berria.

Oct
30
Sat
Bolintxutik ibilbide ekologikoa (Bilbo) @ Plaza Zabalburu (Bilbao)
Oct 30 @ 9:30 – 14:00

Ibilbide ekologiko honen bidez Bolintxu ibarraren balore naturalak, Supersur handitzearen ibilbidea eta autobide honek sortutako inpaktu latzak ezagutuko ditugu.

9:30 Hasiera: Plaza Zabalburu

Oinez joango gara Bolintxura arte

14:00 Itzulia: Buia

Eramateko gomendagarria: mendiko botak, bastoiak, janaria eta edaria

Derrigorrezko izen ematea urriak 29, ostirala, 12:00ak arte. bizkaia@ekologistakmartxan.org helbidera mezu bat bidali “Urriak 30 ibilbiderako izenematea” adieraziz gaian.

Antolatzaileak: Ekologistak Martxan Bizkaia eta Bizizaleak Kultur Elkartea.

Laguntzailea: Bilboko Udala

 

Bizikleta Martxa (Bilbo – Galdakao): Bidegorria Galdakaora orain! @ Gran Via, 25 - Bilbao
Oct 30 @ 23:00 – Oct 31 @ 1:30
Nov
3
Wed
Proiekzioa eta solasaldia (Bilbo): Climate exodus @ Hika Ateneo
Nov 3 @ 19:00 – 21:00

Climate Exodus filmaren proiekzioa eta solasaldia. Bertan, Andoni Louzao Bustamantek, Gune Ekosozialistak eta Ekologistak Martxan taldeetako kidea parte hartuko du.

Antolatzailea: Ongi etorri errefuxiatuak