III Nazioarteko Topaketa Ekosozialisten Manifestuak zabaldutako bideari nolabaiteko jarraipena ematea da Euskal Gune Ekosozialista-Espacio Vasco Ecosocialista, ahalik eta irekiena eta anitzena izan behar da, eta honako helburu nagusi hau izan behar du: ekosozialismoaren ildotik, euskal sindikalismoaren, feminismoaren eta ekologismoaren arteko elkargunea, topagunea, kontraste gunea izatea.
Marko honetan, Herri Eskola Ekosozialista-Escuela Popular Ecosocialista Euskal Gune Ekosozialistaren tresna formatiboa eta social bat da. Garapen hezitzaile eta kulturala den egitasmo hau ondorengo gaitaz kezkatuta eta parte hartu nahi duten pertsonei zuzenduta dago: trantsizio ekonomikoak (bai energetikoa, bai eredu produktiboarena: industria, garraioa, eraikuntza, elikadura subiranotasuna…), sozialak (zaintzen antolakuntza soziala, osasuna, hezkuntza…), kulturalak (iraunkortasunerantzko hezkuntza, gure eguneroko bizitza eredua berpentsatzea, jakinduria tradizionala berreskuratzea…), legezkoak (ondare komunak berreskuratzeko eta babesteko legeak, kaleratzearen eta energia-pobreziaren aurka, bioaniztasuna…) eta territorialak (trantsizio bidean dauden udalerriak, ordenazio territoriala, aurrekontu partehartzaileak…). Eskolak laguntzaile papera bete behar du trantsizio hauetan puzzlea osatzen duten hiru baldintza hauek sartzeko: a) ingurumenarekiko iraunkorrak, b) sozialki bidezkoak eta c) demokratikoki erabakita.