Gelditzeko agindua Artxandako Jarraipen Batzordeak jarritako salaketaren ondorio da (Ekologistak Martxan elkarteak, Bilboko Auzo Elkarteen Federazioak eta kaltetutako auzo elkarte batzuek osatutako plataforma), honek uste baitu obrak emandako baimena gainditzen ari zirela.
Duela zenbait aste hasi ziren leherketak egiten Seberetxe auzoko Supersur autobideko tuneletako bat eraikitzeko. Horren ondorioz bizilagunei eragindako eragozpenak eta etxebizitzei eta Seberetxe jauregiari eragindako kalteak salatzen du Supersur handitzearen aurkako plataformak.
Hondeamakina txiki bat erabili dute irekitzeko, eta, sareetan zabaldutako argazkietan ikus daitekeen bezala, lan horiek lurzoruaren egitura naturala kaltetu dute (lurzorua hondeatu eta lautu egin baita). Gainera, harria kendu dutenez gero, gune karstikoei ere eragin diete. Hori dela eta, Parke Naturaleko bisitari askok kexak adierazi dituzte inguruko naturari eragindako kalteagatik.